Bjarmi ÞH 277 kemur hér að bryggju á Húsavík vorið 1980 en þá gerðu út bátinn Örn Arngrímsson og Ásgeir Þórðarson.
Bjarmi var upphaflega TH 277 og var smíðaður af Nóa bátasmið á Akureyri fyrir Flateyinga árið 1958.
Eigendur að Bjarma voru Hermann Jónsson og synir hans Ragnar og Jón. Bátinn gerðu þeir út frá Flatey og síðar Húsavík eftir að flutt var í land.
Árið 1978 kaupa fyrrnefndir Örn og Ásgeir bátinn, sem var 6 brl. að stærð, og hélt hann nafni sínu.
Þeir seldu bátinn til Patreksfjarðar árið 1980 þaðan sem hann var seldur suður í Sandgerði í ársbyrjun 1987. Þar fékk hann nafnið sem hann ber á myndinni, Logi GK 121. Á Patreksfirði hét hann Bjarmi BA 277 og eigendur hans Ólafur Bjarnason og Stefán Skarphéðinsson.
Það var Gunnlaugur I. Sveinbjörnsson sem átti bátinn í Sandgerði sem var afskráður 1993.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 