Strandveiðibáturinn Kvistur HF 550 kemur hér að landi á Suðureyri í vikunni en hann er einn fjölmargra báta sem rær þaðan.
Báturinn hét upphaflega Þengill ÞH 34 og átti heimahöfn á Húsavík. Smíðaður hjá Trefjum árið 1991.
Árið 1995 fékk báturinn nafnið Gyða Jónsdóttir EA 208 með heimahöfn í Grímsey og sjö árum síðar var nafninu breytt í Gísli bátur EA 208.
Frá árinu 1995 hét báturinn Gyða Jónsdóttir, EA-208, Grímsey.
Árið 2019 fór báturinn úr Grímsey og vestur á firði þar sem hann fékk nafnið Kvistur ÍS 131 með heimahöfn á Suðureyri við Súgandafjörð.
Árið 2021 varð Kvistur KÓ 30 með heimahöfn í Kópavogi en í fyrra breyttist það í HF 550 og heimahöfnin Hafnarfjörður.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
