Jón Erlings GK 222, sem er hér á landleið út af Keflavík eftir dragnótaróður, hét upphaflega Sæþór KE 70 og var smíðaður í Skipavík í Stykkishólmi árið 1971.
Hans örlög urðu þau að hann brann og sökk út af Ólafsvík í júlímánuði 2001. Eldurinn kom upp þegar báturinn var að veiðum á Breiðafirði og var hann dreginn til hafnar í Ólafsvík en slökkvistarf gekk ekki sem skyldi.
Var því brugðið á það ráð að draga hann út úr höfninni til að koma í veg fyrir að hann sykki þar og átti að kom ahonum upp í fjöru. En hann sökk áður en það hafðist, sjá frétt í Morgunblaðinu.
Nafnasaga bátsins er þessi: Sæþór KE 70, Sigrún GK 380, Egill SH 195, Egill SH 193 Krossey SF 26, Jón Erlings GK 222, Dagný GK 295 og Dritvík SH 412.
Með því að smella á myndina er hægt að skoða hana í hærri upplausn.
By clicking on the images you can view them in higher resolution.
