Garðar II SH 164

1343. Garðar II SH 164. Ljósmynd Hafþór Hreiðarsson.

Garðar II SH 164 frá Ólafsvík er hér við bryggju á Húsavík um árið en báturinn stundaði þá úthafsrækjuveiðar úti fyrir Norðurlandi.

Báturinn var smíðaður í Slippstöðinni á Akureyri 1974 fyrir Björn & Einar s/f í Ólafsvík. Hann var 142 brl. að stærð búinn 765 hestafla M.WM aðalvél.

Ekki finn ég upplýsingar um það hvenær báturinn var yfirbyggður.

1996 var báturinn seldur til Hornafjarðar en hélt nafninu og varð SF 164. Haustið 1999 var hann kominn til Vestmannaeyja þar sem hann fék nafnið Eyjaberg VE 62. 

Í mars er hann skráður undir nafninu Sigurvon RE 64 og átti eftir að bera það nafn undir skráningunum SH 200 og BA 55 áður en Skarðsvík ehf. keypti hann til Hellisands árið 2003.

Þar fékk hann nafnið sem hann ber í dag, Magnús SH 205. Magnús hefur gengið í gegnum talsverðar breytingar og mælist í dag 252 BT að stærð.

Mesta lengd hans er 31,45 metrar og breiddin 6,70 metrar. 

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution

Vigri á togslóðinni

2184. Vigri RE 71. Ljósmynd Hólmgeir Austfjörð 2019.

Frystitogarinn Vigri RE 71 er hér að veiðum í sl. mánuði en myndina tók Hólmgeir Austfjörð skipverji á Ottó N Þorlákssyni VE 5.

Vigri RE 71 var smíðaður fyrir Ögurvík hf. í Flekkefjord Slipp & Maskinfabrikk A/S í Flekkefjord í Noregi árið 1992.

Togarinn, sem er 1.217 brl. að stærð, er 66.96 metra langur og 13 metra breiður búinn 4.079 ha. Wartsiila vél.

Brim hf. keypti Ögurvík hf. í júní 2016 og í fyrra keypti HB Grandi Ögurvík af Brim.

Með því að smella á myndina er hægt að skoða hana í hærri upplausn.

By clicking on the images you can view them in higher resolution