Sigurborg og Farsæll komu til Grundarfjarðar í gær

Það var hátíðisdagur á Grundarfirði í gær þegar Sigurborg SH 12 og Farsæll SH 30 komu til heimahafnar í fyrsta skipti.

Soffanías Cecilsson ehf., dótturfélag FISK Seafood hf., er eigandi að Sigurborginni en FISK Seafood hf. Farsæli. Skipin leysa af hólmi eldri skip með sömu nöfnum.

Á Sigurborginni er kokkurinn frá Húsavík og smellti Alfons mynd af honum þar sem hann skartar fagurgrænni Völsungshúfu. Jósteinn Hreiðarsson heitir hann og er ekki bróðir minn.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution