Loðnuskipið Þórshamar GK 75 siglir hér til hafnar í Njarðvík um árið en það var Festi hf. í Grindavík sem gerði það út.
Þórshamar hét áður Götunes og keypti Festi hf. það frá Færeyjum árið 1978 og kom hann í fyrsta skipti til heimahafnar í Grindavík þann 3. nóvember það ár.
Skipið var byggt árið 1974 hjá Vaagland Baatbyggeri, í Vaagland, Noregi og var tveggja þilfara nótaveiðiskip, búið kæligeymum að hluta, og mældist 326 brl. að stærð. Lengd þess var 39,65 metrar og breiddin 7,93 metrar.
Haustið 1996 fór Þórshamar í miklar breytingar í Danmörku þar sem hann var m.a lengdur um fjórtán metra og sett á hann ný brú.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
