Jörvi ÞH 300 var smíðaður hjá Skipasmíðastöð Guðmundar Lárussonar á Skagaströnd og afhentur árið 1973.
Hann var smíðaður fyrir feðgana Þórarinn Vigfússon og Hinrik Þórarinsson á Húsavík. Félag þeirra hét Hagbarður hf. og fengu þeir bátinn, sem var 30 brl. að stærð, afhentan á vormánuðum 1973.
Í Morgunblaðinu 5. júní 1973 sagði svo frá:
Nýlega bættist í bátaflota Húsavíkur nýr bátur, Jörvi ÞH 300. Báturinn er 30 lestir að stærð, búinn öllum venjulegum siglingar- og leitartækjum, smíðaður í Skipasmíðastöð Guðmundar Lárussonar á Skagaströnd. Eigandi bátsins er Hagbarður hf. Skipstjóri er Hinrik Þórarinsson og vélstjóri Þórarinn Höskuldsson. Báturinn hefur þegar hafið veiðar.
Jörva gerðu þeir feðgar út fram á mitt ár 1977 er þeir selja hann vestur á Ísafjörð.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 