Hér liggur Dalaröst ÞH 40 við bryggju á Húsavík í febrúarmánuði árið 2008 en þegar þarna var komið við sögu hafði Flóki ehf. keypt nýjan bát sem kom til heimahafnar daginn áður.
Báturinn var smíðaður í Noregi 1978 en keyptur til landsins fjórum árum seinna og hét þá Rolant II. Hér á landi fékk hann nafnið Jón Bjarnason SF 3 og eigandinn var Svalan h/f á Hornafirði. 1984 kaupir Glettingur h/f í Þorlákshöfn bátinn og nefnir hann Dalaröst ÁR 63.
Flóki ehf. á Húsavík kaupir svo Dalaröstina af Glettingi að mig minnir haustið 1999. Hann heldur nafninu en fær einkennisstafina ÞH og númerið 40. Upphaflega var 440 hestafla Kelvin aðalvél í bátnum en 1985 var skipt um vél. Sett var í hann 700 hestafla Mitsubishi aðalvél.
Hera ÞH 60 leysti Dalaröstina af hólmi árið 2008 og var báturinn seldur. Hann hélt nafninu um tíma en varð GK 150. Í upphafi árs 2009 fékk hann nafnið Hans Jakob GK 150 og haustið 2010 Tungufell BA 326.
Báturinn fór í núllflokk á Fiskistofu árið 2015 og var dregið til Belgíu það sama ár.
Með því að smella á myndina er hægt að skoða hana í hærri upplausn.
By clicking on the images you can view them in higher resolution.
Skipamyndir Hafþórs Hreiðarssonar 