Ísfélag hf. hefur selt Heimaey VE 1 til norska félagsins Andrea L AS. og í kvöld kll 20:00 lét hún síðasta sinn úr heimahöfn í Eyjum.
Áfangastaðurinn er Maloy en þar verður skipið afhent norskum kaupendum í næstu viku.
Tryggvi Sigurðsson tók meðfylgjandi mynd í kvöld.
Í tilkynningu frá Ísfélaginu segir:
Heimaey var smíðuð fyrir Ísfélagið og var afhent félaginu árið 2012. Skipið var smíðað í skipasmíðastöðinni Asmar í Chile. Samningar um smíði hennar var undirritaður árið 2007. Árið 2010 skók risastór jarðskjálfti landið sem seinkaði komu skipsins.
Að sögn Eyþórs Harðarsonar, útgerðastjóra Ísfélagsins hefur skipið reynst vel á allan hátt þau 13 ár sem það hefur verið gert út.
Eyþór segir aðspurður að áhöfn Heimaeyjar muni færast yfir á nýtt skip félagsins, uppsjávarskipið Pathway sem verður afhent í lok maí í Skagen í Danmörku.
Stefnt að því að koma nýju Heimaey heim til Eyja fyrir sjómannadag.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 