Fossborg ÁR 31 hét upphaflega Valur NK 108 og var smíðaður hjá Vélsmiðju Seyðisfjarðar árið 1968.
Árið 1974 fékk báturinn nafnið Arnþór EA 16 og var með heimahöfn á Árskógssandi.
Það var svo tíu árum síðar, eða árið 1984, sem báturinn fékk það nafn sem hann ber á myndinni. Heimahöfnin var á Eyrarbakka og hét báturinn Fossborg ÁR 31 í fjögur ár.
Síðan hét hann Helguvík ÁR, Sæmundur GK og Sæmundur SF og Sæljós GK og árið 2010 var hann kominn á Djúpavog þar sem hann fékk nafnið Sænes SU 44.
Það var svo árið 2020 sem Gullrún ehf. á Breiðdalsvík kaupir bátinn og hann fær nafnið Goðaborg SU 16.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 