Kolbeinsey ÞH 10 liggur hér við Þvergarðinn í Húsavíkurhöfn en þar var hennar pláss.
Togarinn var smíðaður fyrir Höfða hf. á Húsavík í Slippstöðinni á Akureyri.
Kolbeinsey var gefið nafn og hún sjósett þann 7. febrúar 1981. Til heimahafnar kom hún 10. maí sama ár. Kolbeinsey var eins og segir í upphafi fyrst í eigu Höfða hf. því næst í eigu Íshafs hf. þá aftur í eigu Höfða hf. og að lokum í eigu Fiskiðjusamlags Húsavíkur hf.
Kolbeinsey var 430 brúttórúmlestir að stærð og gerð út á Húsavík til haustsins 1997. Þá var hún seld án kvóta til Bolungarvíkur. Kaupandinn var Þorbjörn-Bakki hf. og fékk hún nafnið Hrafnseyri ÍS 10.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 